சீனாவின் வடகிழக்கு பகுதியில் தனிநபர் பாதுகாப்பு செயலி அறிமுகம்

'ஜினிவேய்' என்ற செயலி, செப்டம்பர் மாதம் ஷிண்டாவோவில் தொடங்கப்படவுள்ளது.

மிங் வம்சத்தின் ரகசிய காவல்துறையை நினைவுபடுத்தும் விதமாக ஜினிவெய் என்று செயலிக்கு பெயரிடப்பட்டுள்ளது.

சீனாவின் வட கிழக்கு பகுதியில் உள்ள ஒரு நகரத்தில் செல்வந்தர்கள் மற்றும் பிரபலங்கள் மட்டுமின்றி அனைவரும் தனிப்பட்ட பாதுகாவலர்களை வாடகைக்கு எடுத்துக் கொள்ளும் செயலி அறிமுகப்படுத்தவிருப்பதாக செய்திகள் தெரிவிக்கின்றன.

'ஜினிவேய்' என்ற செயலி, செப்டம்பர் மாதம் ஷிண்டாவோவில் தொடங்கப்படவுள்ளது. ஊபர் போன்ற சேவைகளை வழங்கும் இந்த செயலி, நகரம் முழுவதும் உள்ள 57 பாதுகாப்பு நிறுவனங்களின் 50 ஆயிரம் ஊழியர்களை தனிநபர்கள் மற்றும் நிறுவனங்கள் தொடர்பு கொள்ளும் வசதியை வழங்கும்.

பாதுகாப்பற்று உணரும் எவரும் பாதுகாவலர் சேவைகளை பெறலாம். குறிப்பாக மதிப்புமிக்க பொருட்களை எடுத்துச் செல்லும்போது பாதுகாவலர்களை பயன்படுத்தலாம். டாக்ஸி சேவைகளில் இருப்பதைப் போன்றே, தேவைப்படும் சமயத்தில் பாதுகாவலர்கள் கிடைப்பதை செயலியின் மூலம் பயன்பாட்டாளர்கள் தெரிந்து கொள்ளமுடியும்.

ஒரு மணி நேரத்திற்கு 70 முதல் 200 யுவான் ($ 10.50- £ 30; £ 8.15- £ 23) என்ற விலைக்கு இந்த செயலி கிடைக்கும் என்று எதிர்பார்க்கப்படுகிறது;

தனிநபர்களுக்கும் நிறுவனங்களுக்கும் இந்த செயலி பயன்பாட்டுக்கு கிடைக்கும் என்றும் சீனா டெய்லி ஆங்கில நாளிதழ் கூறுகிறது.

முன்னாள் ராணுவ அதிகாரிகள், இந்த பாதுகாவலர்கள் பணிக்கு விண்ணப்பிக்கலாம் என்றும், அவர்களுடைய தற்போதைய அடையாள அட்டை மற்றும் ராணுவத்தில் பணிபுரிந்தது தொடர்பான ஆவணங்கள் அனைத்தையும் காட்டவேண்டும் என்று இந்த செயலியை உருவாக்கியவர்களில் ஒருவரான லி ஷாங்ஷாங் கூறுகிறார்.
பாதுகாப்பு இல்லை என்று கருதுபவர்கள் பயன்படுத்த ஏற்றது என்கிறார் செயலி வடிவமைப்பாளர்களில் ஒருவரான லி ஷாங்ஷாங்.

"பாதுகாவலராக பணிபுரிபவர்கள், பயிற்சி வகுப்புகளில் பங்கேற்க வேண்டும், பணியின்போது சீருடை அணிந்திருக்க வேண்டும்" என்று அவர் கூறினார். சண்டைகளின் போதும் அவர்கள் போலீசாருடன் இணைந்து செயல்படலாம் என்றும் அவர் கூறினார்.

சீனாவின் சமூக ஊடக தளமான 'சினா வெய்போ'வில் இந்த சேவை குறித்து பலவிதமான கருத்துகள் வெளியிடப்பட்டுள்ளன. பாதிக்கப்படுபவர்களுக்கு "பயனுள்ளது" என்றும் "நல்ல யோசனை" என்றும் பலர் வரவேற்கின்றனர். ஆனால் சிலரோ, துணை தேடும் தனியாக இருக்கும் பெண்கள் இந்த செயலியை தவறாக பயன்படுத்தும் வாய்ப்புகள் ஏற்படலாம் என்று அச்சம் எழுப்புகின்றனர்.

இந்த சேவை அறிமுகப்படுத்துவது என்றால், போலீசார் இருப்பதற்கான பொருள் என்ன என்று ஒருவர் குறிப்பாக கேட்கிறார்.

பாதுகாப்பு இல்லை என்று கருதுபவர்கள் பயன்படுத்த ஏற்றது என்கிறார் செயலி வடிவமைப்பாளர்களில் ஒருவரான லி ஷாங்ஷாங்.

No comments

Powered by Blogger.